Автор - Алишер Шахобиддинов в 23:07
Бугун 29 март санасида бизнинг кафедрамиз, яъни, «Телерадиоэшиттириш тизимлари» кафедрасининг 5 нафар ўқитувчилари Тошкент алоқа касб ҳунар коллежига ташриф буюрдилар. Ташрифимиз ТАТУ ва ТАКҲК ўртасидаги ҳамкорлик шартномаси асосида амалга оширилди.
Бу ташрифда икки мақсад кўзланган эди. Биринчиси: ҳамкорлик дастури асосида соҳамиздаги энг сўнгги янгиликларни қамраб олган семинар ташкил қилиш;
Иккинчиси: ТАКҲК ўқувчилари орасда касбга йўналтириш ишларини амалга ошириш.
Барчангизга маълум, Телерадиоэшиттириш кафедраси мутаҳассислик кафедраси ҳисобланади. Шунинг учун ҳам коллеж ўқувчилари орасида касбга йўналтириш ишларининг ўз вақтида ва сифатли амалга оширилиши бизнинг кафедрамиз учун билимли ёшлар контингентини жамлашга омил бўлиб ҳизмат қилади. Шундай экан, бугунги ташрифиз натижаси яқин келажакда ўз самарасини беради деб ишонамиз.
Қуйида коллеж ўқувчилари билан учрашувимиз жараёнидан қисқача фотосуратларни тақдим этаман. Суратларни аксарияти мен томонидан олинганлиги сабабли, уларда мени кам учтарасиз. Мен кадр ортиданман)))
Суратда: Директор ўринбосари Азизова С., «РР ва ТВ» кафедра мудири Сафаров Х.Э. ва кафедрамиз аъзолари
Суратда: Кан В.С. талабаларга маъруза ўқимоқда
Суратда: Губенко В.А. талабалар билан мулоқот қилмоқда
Суратда: Арипова У.Х талабалар билан қизғин суҳбат қилмоқда
Суратда: Юсупова А.Р талабалар билан фикр алмашмоқда
Яқин кундарда коллежнинг 28 нафар 3-курс ўқувчилари ТАТУ га ишлаб-чиқариш амалиётини ўташ учун ташриф буюрадилар. Биз эса ўз вақтида кафедрамизга тақсимланган ўқувчилар билан «АФҚ бўйича ўқув-амалий лаборатория»сида касбий малакаларини янада юксалтириш устида иш олиб борамиз. Уйлаймизки, ушбу ўқувчилар албатта алоқа ва ахборотлаштириш соҳасининг етук мутаҳассисларига айданадилар.
