Автор - Алишер Шахобиддинов в 18:57
2016 йилнинг 13-май куни биз учун яна бир қувончли воқеа юз берди.
Бизнинг интилишларимиз натижаси бўлмиш «Телерадиоэшиттириш ва мобил алоқа антенналари ўқув-амалий лабораторияси»нинг очилганлинги ҳақида соҳамизнинг энг сара янгиликларини ёритиб борувчи «Хабар» газетасининг 20-сонида «ТАТУда янги лаборатория» номли мақола чоп этилди.
Ушбу мақоланинг чоп этилиши бизга ўзига ҳос куч-қувват ва шижоат бағишладики, бу ҳақида Сиз азизлар билан ўз қувончимизни баҳам кўришни лозим топдим.
Лабораториянинг ишга туширилишидан умидларимиз катта. Унинг бағридан соҳамизнинг ривожига ўз ҳиссасини қўшадиган малакали ва иқтидорли ёш мутаҳассислар етишиб чиқишига умид боғлаймиз ва албатта бу йўлда жамоамиз билан бетиним ҳаракат қиламиз.
Ушбу лабораториянинг ғояси, унинг амалга оширилиши ва унинг шу кўринишга келиши йўлида ўзининг беминнат тавсиялари, маслаҳатлари ва албатта амалий кўмаклари учун бизга елкадош бўлган барчага ўз миннатдорчилигимзни билирамиз.
Энди эса мақола чоп этилган газетанинг нусҳаси ва ушбу мақолага «Хабар» газетасининг интернет саҳифасидаги ҳаволасини тақдим қиламан.
Агар ушбу мақола, бизнинг олдимизга қўйган мақсад ва вазифаларимиз юзасидан таклифларингиз, ёки бизнинг юксалишимиз учун ёрдам кўрсатиш каби эзгу ниятларингиз бўлса, бу ҳақида бизнинг саҳифамизда ўз фикр-мулоҳазаларингизни қолдиришингизни сўраймиз.
Ҳурмат ила Алишер Шахобиддинов
14 мая 2016 в 21:01
«Teleradioeshittirish tizimlari» kafedrasining ilg’or professor-o’qituvchilari tomonidan yaratilgan yangi laboratoriya kelajakda Universitetga,soxa korxonalariga ilg’or, bilimga chanqoq talabalarni yana xam etuk yosh kadrlarni tayyorlashga xizmat qiladi. O’ylaymizki, soxa korxonalarini Universitetimizdagi bunday yangiliklar befarq qoldirmaydi. Biz soxa korxonalarning raxbarlaridan talab va takliflarini juda katta ishtiyoq bilan kutib qolamiz. Qimmatli vaqtingiz va e’tiboringiz uchun katta raxmat.
18 мая 2016 в 09:25
Янги лаборатория ташкил этилганлиги ҳақидаги маълумот соҳа газетаси кўмагида бутун республикага тарқатилганлиги айни мақсадга мувофиқ. Сабаби, лабораториянинг келгусидаги илмий-тадқиқот тараққиёти соҳада мавжуд бўлган долзарб муаммоларни ҳал қилиш билан беъвосита боғлиқ. Шу билан биргаликда лаборатория замонавий махсус ўлчаш қурилмалари билан таъминланишга мухтож. Бу борада соҳа ҳомийларини кутиб қоламиз.